Flakë e tym në rrugë, përfshihet nga zjarri automjeti në ecje

Një automjet është përfshirë nga flakët mesditën e kësaj të mërkure, në qytetin e Patosit.

Automjeti ndodhej në ecje e sipër teksa ka marrë flakë, ndërsa paraprakisht dyshohet se zjarri ka rënë si pasojë e një defekti.

Fatmirësisht nuk ka dëme në njerëz, ndërsa grupi hetimor po punon për përcaktimin e shkaqeve të rënies së zjarrit.

“Sot rreth orës 13:50, në qytetin e Patosit, ka marrë flakë në ecje e sipër automjeti tip “Benz” me drejtues shtetasin D. K.Paraprakisht dyshohet se zjarri ka rënë si pasojë e një defekti në mjet”, thuhet në njoftimin e policisë.