Flamur Çelaj: LSI është partia e shpresës dhe prosperitetit

Fjala e Koordinatorit të Qarkut Vlorë për LSI, Flamur Çelaj në takimin  me strukturat e LSI-së, në Vlorë

Të nderuar pjesëmarrës, miq, shok, vëllezër e motra , anëtar dhe simpatizantë  të Lëvizjes Socialiste për Integrim ne salle dhe jashtë saj, Ju përshëndes.!

E nderuar kryetare znj. Monika Kryemadhi!

Mirëserdhët në këtë takim!

Me lejoni që në emër te pjesëmarrësve t’ju uroj Mirëseardhjen në Vlorë!

Jam shumë I lumtur që  në këtë sallë me atmosferë të ngrohtë dhe familjare , me prezencën tuaj këtu sot,  ti kthej përgjigjen më të fortë , të gjithë atyre që kanë ëndërruar më kot së mund të thyenin shpirtin vital të Lëvizjes Socialiste për Integrim .

Është ky shpirt që u ngjiz dhe u ndërtua në vështirësitë më të mëdha politike të tranzicionit shqiptar dhe që lindi si e vetmja alternativë politike dhe si ura lidhëse e afrimit të Shqipërisë me Europën , si një koncept perëndimor për integrimin në familjen e madhe europiane.

E kur flasim për familjen , vet prezenca juaj këtu ,  e dëshmon më së miri këtë vlerë të shoqërisë , tek e cila ne besojmë.

LSI , familja jonë e madhe që na ka bashkuar sërish sot , ka artikuluar qartë principet e saj të larta që mbrojnë në thelb familjet tona, si bërthama e shoqërisë shqiptare , ku marrin vlerë virtytet e Atdhe-Dashurisë dhe besimi ne Zot .

E në ndryshim nga forcat e tjera politike :

LSI ka qenë , është dhe do të mbetet e vetmja parti politike që gëzon reputacionin e kujdesit kundrejt anëtarëve të saj , ashtu sikurse edhe familjet e shëndetshme kujdesen për pjesëtarët e tyre të familjes.

Dhe e e dini pse ?!

Sepse solidariteti njerëzor është pjesë e AND-së sonë si parti

Sepse ne jemi Partia e Shpresës dhe e Prosperitetit

Çdo ditë e më tepër, vendi ynë po përballet me vështirësi nga më të shumtat , të cilat na kanë detyruar të mobilizohemi , për të sjellë ndryshimet e nevojshme të axhendave politike që operojnë aktualisht dhe një gjë e tillë mund të ndodhi vetëm nëpërmjet rotacionit politik , alternativa e vetme e të cilit është  Lëvizja Socialiste për Integrim , që me anë të  kontributit të saj të çmuar ka treguar se është e vetmja parti që me zotësinë e saj të ndryshoj peshoren e balancave e të definoj ndryshimin e shumëpritur të pushteteve , me armën më të fortë, votën popullore.

Kjo pra , është arsyeja që na ka mbledhur sot këtu , ku përveç temave dhe çështjeve të aktualitetit politik , për të cilat edhe Kryetarja jonë do të diskutojë , ekzistojnë edhe çështje shumë të rëndësishme që lidhen me organizimin dhe strukturimin e  brendshëm të partisë sonë , në nivel qarku . Në kuadër të këtij diskutimi dua të ndaj më ju mesazhin e rëndësishëm, I cili konsiston në zgjerimin e Lëvizjes Socialiste për Integrim , duke lënë të hapur mundësinë për prurjet e reja të intelektualëve dhe simpatizantëve që duan të japin kontributin e tyre për një Shqipëri më të mirë , ndryshe nga kjo që ka shkatërruar Rilindja , e cila nëpërmjet politikave të saj ka larguar nga vendi mbi gjysmë milioni shqiptarë  si pasojë e :

1-Varfërisë së skajshme dhe cilësisë së ulët të jetesës

2- Pasigurisë për jetën nga hegjemonia e falangave të krimit të organizuar, i cili ka partnere  qevrisjen Rilindase

3-Korrupsionit galopant ne administratë, Mungesës së transparencës së insitucioneve,  Praktikave korruptive PPP

4-Mungesës së vizionit te qeverisë për integrimin e shpejt të Shqipërisë në familjen e saj europiane.

Për arsyet e mësipërme dhe shumë të tjera më të rënda siç është psh “kapja në mënyrë mafioze e gjykatës Kushtetuese për te cilën ju ftoj te gjithëve te na bashkoheni  ne 2 Mars për Besëlidhjen e Madhe  pasi “ është detyra jonë qytetare dhe patriotike të mobilizohemi, për ti bërë ballë kësaj të keqe të madhe me emrin Rilindje .

Ti bëjmë balle në emër të :

-fëmijëve tanë, familjeve tona, atdheut dhe zotit.

Ne nuk mund t’ja lejojmë vetes largimin e  njerëzve tanë dhe as thyerjen e besimit të tyre për tu bërë pjesë e rrugëtimit tonë politik .

Ne kemi detyrimin moral ndaj atdheut për të ndërtuar një Shqipëri tjetër , duke organizuar kështu strukturat tona partiake dhe të bëhemi gati për betejën e madhe elektorale , për të mposhtur të keqen që I ka zënë frymën vendit dhe që kërcënon familjet tona.

Si një parti me rezultate spektakolare në 2 palë zgjedhje parlamentare, deklaroj sot përpara jush dhe kryetares sonë se në kushtet e një koalicioni fitues, LSI tashmë i ka të sigurta 2 mandate dhe luftojmë për t’iu afruar sa të mundemi mandatit të 3-të.

Prandaj do riorganizojmë në mënyrë kapilare strukturat tona partiake, do I  përshtatim sipas relievit, demografisë dhe  popullatës heterogjene burimet tona më të mira njerëzore për të maksimizuar rezultatin e zgjedhjeve, në mënyrë që të garantojmë përfaqësim dinjitoz në parlamentin e ardhshëm.

Më duhet ta pranoj se suksesi  ynë politik  është produkt i të gjithë kontribuuesve ndër vite të cilët gjej rastin ti falënderojë për punën e tyre, ndërsa  energjia jonë ka qenë dhe mbetet  gjithmonë  rinia ,  e cila ka besuar dhe përkrahur alternativën tonë politike, duke u kthyer në një burim të pashtershëm energjie  për LSI-në,  në garat e saj elektorale.

E në fjalën time sot , nuk mund të mos kërkoj  nga ju në mënyre të përsëritur që në datën 2 mars, të gjithë ne ,qytetarët e Vlorës , te jemi në mbrojtje të Kushtetutës së vendit , duke marrë pjesë në protestën e organizuar pasditen e së hënës në orën 17:00 në kryeqytet, në mbështetje të Presidentit të Republikës së Shqipërisë , z.Ilir Meta.

Ashtu sikurse e theksova edhe më parë , për LSI-në,  në piedestalin më të lartë qëndron  pikërisht rinia ,  simboli më sublim i së  ardhmes.  Sot disa të rinj e të reja kurajozë do të marrin kartat e anëtarësisë dhe ky akt  i marrjes së përgjegjësive për angazhime qytetare dhe publike kërkon  solemnitetin e duhur.