Flamur grek pranë vendit ku u vra Kaçifas

Trupi i pajetë i Kostandinos Kaçifas, 35-vjeçarit minoritar grek që u vra nga efektivët e RENEA-s në Bularat pasditen e 28 tetorit, ndodhet ende në morgun e spitalit të Gjirokastrës. Familjarët këmbëngulin se nuk do ta varrosin pa i bërë më parë ekspertiza mjeko ligjore nga mjekët grekë. Ndërkohë në vendin ku humbi jetën 35-vjeçari nga Bularati por që kishte marrë shtetësinë greke sot në mëngjes është vendosur pranë kryqit e luleve dhe një flamur grek.