Flet i dyshuari: I kërkoj ndjesë familjes së viktimave

Aktualitet E Mërkurë, 11 Maj 2022 14:40

Ervis Bardhi, i penduari i drejtësisë në çështjen në ngarkim të Ardian e Florenc Çapjes e të tjerëve të akuzuar për vrasjen e Gentian e Nezir Beqirit në Elbasan, jep dëshminë e tij para Gjykatës së Posaçme.

Sipas SPAK-ut, Bardhi është një nga dy ekzekutorët e babë e bir, në vitin 2012.

Në seancë, Bardhi dha detaje nga mënyra se si ishte njohur me Gentian Beqirin në qelitë e burgut të Peqinit, në krijimin e miqësisë me të dhe vizitat e herëpashershme në shtëpinë e Beqirit, marrjen e porosisë për ekzekutimin e tij nga Ardian e Florenc Çapjes, deri në ditën e ekzekutimit.

“Para se të filloj, dua t’i kërkoj ndjesë familjes së viktimave, në veçanti nënës”, nisi dëshminë e tij i penduari.