Floqi “i rrënuar” nga tërmetet, banorët strehohen në shkollë

Pas tërmeteve të njëpasnjëshme që kanë lënë pa shtëpi më shumë se 200 vetë në qarkun e Korçës, përveç çadrave janë gjetur edhe mënyra alternative për strehimin e tyre.

Minsitria e Mbrojtjes bën me dije se në fshatin Floq, që rezulton të jetë më i dëmtuari nga tërmetet e ditëve të fundit, 45 banorë janë akomoduar në shkollën e fshatit, ndërsa 25 të tjerë në qëndrën sociale “Kenedy”.

Po sipas Ministria e Mbrojtjes, aktualisht 70 banorë janë ende në çadra e po asistohen me ndihmat për çdo nevojë të tyren.

Nga banorë dhe vullnetarë të Bashkisë së Tiranës po niset një kamion me ndihma në veshëmbathje dhe ushqime.