Fluks emigrantësh në Portin e Vlorës

Fluksi i ardhjeve në Portin e Vlorës po vijon në rritje edhe në këto ditë të fundit të vitit. Autoritetet portuale kanë konfirmuar se këtë dhjetor, fluksi është rritur ndjeshëm krahasuar me një vit më parë. Madje, ata konfirmojnë se fluksi pritet të vijojë i tillë edhe në ditët e mbetura të dhjetorit, deri në datën 31. Këtë vit, në Portin e Vlorës është shënuar rritje e ndjeshme edhe të personave që largohen, ku vetëm në tre ditët e fundit janë shënuar në dalje 780 persona, shtetas shqiptarë.