”Foltorja” në Korçë, Berisha: Sot pata datëlindjen më të bukur të jetës sime

Takimi i radhës me demokratët përmes ”Foltores”, Sali Berisha po e bën në Korçë. krah liderit historik të PD-së, është edhe ish-deputeti Gent Strazimiri, i cili thekson se në parti duhet vendosur me të drejtën e votës. Po ashtu në takim është edhe deputeti Edmond Spaho.

Berisha i falenderoi demokratët për urimet e tyre dhe tha se i kishin bërë një dhuratë shumë të bukur në këtë 77-vjetor të lindjes.

”Të dashur demokrate dhe demokratë, dëshiroj të ulem me nderimin më të madh para qytetarëve të kësaj treve për rolin e tyre të jashtëzakonshëm në historinë tonë kombëtare të dijes të pushkës, të mendjes dhe çdo shqiptar ushqen për Korçën dhe trevat e kësaj zonë admirim dhe mirënjohjen e pakufijshme. Dhurata pa fund i kanë bërë gratë dhe burrat e këtij vendi, por sot më bëtë dhe mua një dhuratë që kurrë s’do ta harroj. Sot unë pata ditëlindjen më të bukur të jetës time. Ju falenderoj shumë”.