FOTO/ Ambasada e SHBA: Amerika e angazhuar për të mbështetur reformën në drejtësi dhe demokracinë në Shqipëri

Delegacioni i nivelit të lartë të sistemit të drejtësisë së Shteteve të Bashkuara të Amerikës ka mbyllur vizitën pesëditore në Shqipëri. Ambasada e SHBA-së në Tiranë bën me dije se delegacioni gjatë qendrimit në Tiranë, zhvilloi takime me drejtues të SPAK, Këshillit të Lartë të Prokurorisë, Këshillit të Lartë të Gjyqësorë, ministrin e Drejtësisë, Ulsi Manja etj.  Sipas njoftimit vizita konfirmon angazhimin e fortë të Shteteve të Bashkuara të Ameriktës për të mbështetur reformën në drejtësi dhe demokracinë në Shqipëri.

“Gjatë pesë ditëve në vend, ata u takuan me përfaqësues nga institucionet kryesore të drejtësisë, përfshirë nga SPAK-u, Gjykatat e Posaçme, Gjykata Kushtetuese, Këshilli i Lartë Gjyqësor, Këshilli i Lartë i Prokurorisë, Gjykata e Lartë, Inspektori i Lartë i Drejtësisë, nga ministri, si dhe nga Shkolla e Magjistraturës”, njofton Ambasada e SHBA në Tiranë.

“Në Këndin Amerikan në Tiranë, gjyqtarët u angazhuan në një shkëmbim idesh me studentë të drejtësisë dhe juristë të rinj, duke prekur tema që përfshijnë ruajtjen e integritetit, zhvillimin e karrierës, sigurimin e transparencës dhe balancimin e përgjegjësive vetjake dhe profesionale. Vizita përforcon angazhimin e fortë të Shteteve të Bashkuara për të mbështetur reformën në drejtësi dhe demokracinë në Shqipëri”, përfundon njoftimi.