FOTO/ E bujshme, trafikanti i drogës arratiset nën hundën e policisë. Ja emri

Në gushtin e vitit 2016 do të arrestohej sapo u fut në kufirin e Kosovës, sepse ndaj tij ishte lëshuar një urdhër-arresti të lëshuar nga drejtësia italiane që e kishte dënuar me 22 vite burg për trafik droge.

Por për Nimon Zogajn, shqiptarin e arratisur, burgu nuk do të ishte vendi i duhur për të qëndruar. Pas arrestimit ai do të transferohej për në Parma, ku edhe do të duhej të vuante dënimin, shkruan SYRI.net.

Pasi kishte mbërritur në burgun e Saronno, ai do të qëndronte vetëm pak kohë aty. Do të transferohej për në ‘Spitalin e Madh’ të Parmës. Zogaj aty ruhej me policë, pasi ishte shtruar si i sëmurë.

Por vetëm pak ditë më parë, ai ka mundur që të arratiset nën hundën e policisë. Zbulimi është bërë gjatë një kontrolli të ushtruar nga karabinierët.

Menjëherë është dhënë alarmi, por sipas policisë italiane fakti që ai kishte mundur që të fshihej për vite të tëra, e bën të vështirë identifikimin e tij.

Nga policia ai cilësohet si një ‘fantazmë’. Sipas të dhënave të deritanishme, Nimon Zogaj nuk kishte asnjë lidhje në qytetin e Parmës dhe besohet se ai është larguar për në Lombardi.