FOTO/ Prangoset një përmbarues në Tiranë, akuzohet për 32 mijë euro. Ja emri

Një përmbarues është vënë në pranga nga policia  gjatë operacionit të koduar “Debitori”.

Seksioni për Hetimin e  Krimit Ekonomik e Financiar në Drejtorinë Vendore të Policisë Tiranë,  në bashkëpunim me Prokurorinë e Rrethit Gjyqësor Tiranë, kanë finalizuar me sukses operacionin e përbashkët me metoda speciale të hetimit të koduar “Debitori”.

Në kuadër të këtij operacioni u bë ndalimi i Fatos Alimadhi, 50 vjeç, banues në Tiranë.

Arrestimi i tij u bë pas një pune 7 mujore në bashkëpunim me Prokurorinë e Rrethit Gjyqësor Tiranë, pasi  duke shpërdoruar detyrën ka përfituar nëpërmjet vjedhjes shumën prej  32.255 euro.

Gjithashtu Përmbaruesi gjyqësor i është shmangur hetimit duke zhdukur dosjen përmbarimore, në lidhje me shitjen e një apartamenti, ku në ankandin e dytë, në baze të ligjit duhet të shitej me  vlerë 20% më i ulët se ankandi i pari, por  ky apartament është shitur disa herë më ulët  se kjo vlerë që para shikon ligji, duke  bërë që përmbaruesi të përfitonte shumën    prej  32.255 euro.

Materialet i kaluan Prokurorisë së Rrethit Gjyqësor Tiranë për veprën penale “Vjedhje duke shpërdoruar detyrën”, parashikuar nga neni 135 i Kodit Penal.