FOTO/ Spahia: Shqiptarët po vdesin nga pandemia, Blendi Çuçi projekt luksi për relaks në taracën e ministrisë

Ish-deputeti demokrat, Bardh Spahia, ka denoncuar skandalin e radhës së qeverisë Rama që në kulmin e pandemisë, shpik projekte luksi duke u grabitur taksat shqiptarëve që po gjenden pa punë dhe para në këto ditë të vështira për ta.

Një projekt i tillë është edhe ai i ministrit Blendi Çuçi, i cili ka vendosur të krijojë ambiente luksoze relaksi në tarracën e ministrisë së Bujqësisë dhe Zhvillimit Rural që drejton.

“Duket e pabesueshme që në kohë pandemie, kur sipas deklarimeve zyrtare ka 33 mijë të papunë për shkak të pandemisë, familje të tëra në vështirësi serioze e të rrezikuara për humbje punë në muajt e ardhshëm; ka biznese që janë mbyllur ose janë zhytur edhe më thellë në borxhe; ka fermerë e fshatarë të cilëve mbyllja nga pandemia u coi dëm prodhimet, kur sipas OKB jemi vendi me shpenzimet më të ulëta në kohë pandemie, të jetë dikush kaq i papërgjegjshëm, sa të kryejë shpenzime të tilla luksi, sic duket ky projekt i realizuar për llogari të ministrisë së Bledi Cucit, për të patur ambiente luksoze relaksi në tarracën e ministrisë së bujqësisë dhe zhvillimit rural?

Nën modelin e Edi Ramës, që prej ditës së parë, që shkeli në zyrë nuk pyeti për shpenzime nga taksat e shqiptarëve për shijen e tij të kushtueshme, vijojnë edhe bashkëpunëtorët e tij! Lekët e shqiptarëve shkojnë për luks, për koncesione e PPP, një model që nuk ndryshon edhe pse vendi është zhytur në krizë të thellë financiare e shëndetësore! Të paturp e kampionë makutërie nën heshtjen e strukturave ligjzbatuese!