FOTO/ Zelensky: Vizita në Britani, frytdhënëse! Sunak: Duhet të armatosim Ukrainën

Këtë të mërkurë, Presidenti ukrainas Volodymyr Zelensky zhvilloi një vizitë në Britaninë e Madhe, e cila ishte shumë e rëndësishme dhe frytdhënëse.

Kështu tha vetë ai gjatë një konference të përbashkët për shtyp me kryeministrin britanik Rishi Sunak në bazën ushtarake në Dorset. Vendimet që janë marrë do të ndihmojnë ushtrinë ukrainase të jetë gjithnjë e më fortë. Kryeministri britanik Rishi Sunak tha se do ecet më shpejt me dërgimin e ndihmës ushtarake në Kiev.

”Burrat dhe gratë ukrainase po mësojnë të komandojnë dhe kontrollojnë armët standarde të NATO-s. Ne do të shkojmë më tej dhe më shpejt. Ne duhet të armatosim Ukrainën në një afat të shkurtër, por duhet ta mbështesim Ukrainën në afat të gjatë”,-tha ai.

Po ashtu Zelensky u prit edhe nga Mbreti Charles III.