Fotot pak sekonda para vrasjes në Linzë

Foto tregon momentin para vrasjes së Enton Nikajt në parkingun e lokalit në Linzë. Nikaj është në krahun e djathtë te fotografisë, ndërsa një person i ka hedhur dorën në qafë. Ky është Ervis Martini, një person me precedent të rëndë penalë.

Përballë tyre, me duart e kryqëzuara është Ismet Gaxherri, bashkëpronar i lokalit, ku ndodhi vrasja.

Në krah të tij qëndron një person me xhup ngjyrë të gjelbër. Sipas policisë, ai ka mbiemrin Lika, por për arsye hetimi nuk jepet identiteti i plote. Pikërisht ky person dyshohet se eshte nje nga vrasësit. Në krah të tij, personi me syze dhe me duar ne xhepa dyshohet se është autori I vrasjes dhe goditjes së Gaxherrit me qytën e pistoletës në kokë. Por shikoni çfarë ka ndodhur gjatë sherrit në këtë fotografi të dytë.

Sic po e shihni në foton tjetër, këtu ka nisur përleshja fizike. Ismet Gaxherrit i është vendosur pistoleta në kokë, ndërsa tre personat e tjerë mes tyre edhe Martinaj po e qëllonin me grushta.

Në përleshje e sipër, burimet thonë se është qëlluar me një plumb në kokë Nikaj I cili ka mbetur I vdekur në vend ndërsa Gaxherri është rrëzuar si pasoj e goditjes në kokë me qytën e pistoletës. Pas kësaj ngjarje, të 4 personat janë larguar me makinën e tyre, të cilën e kishin të parkuar shumë pranë vendit të ngjarjes