FOTO+VIDEO/ Makina humb kontrollin dhe merr para 30-vjeçaren shtatzënë dhe përplaset me pemën. Çfarë thotë policia

Pamjet që shihni vijnë nga vendi i ngjarjes që ndodhi sot në Tiranë, ku një makinë pasi humbi kontrollin ka dalë nga rruga dhe është përplasur me një pemë dhe një kalimtare të rastit. Ngjarja e rëndë ndodhi rreth orës 19:15, në rrugën “Xhanfizo Keko”, në zonën e Porcelanit.

Nderkaq, mesohet se vajza e plagosur, rreth 30 vjeç, e cila u transportua me urgjencë në spitalin e Traumës, është shtatzënë.

Mësohet se goditja ka qenë e fortë, ndërsa në vendin e ngjarjes shiheshin edhe njollat e gjakut të kalimtares së plagosur.

Policia raporton se drejtuesi me inicialet J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesin e mjekëve. Mësohet se e plagosura është transportuar me urgjencë në spitalin e Traumës.

NJOFTIMI I POLICISE
Rreth orës 19:15, në rrugën “Xhanfizo Keko” mjeti me drejtues shtetasin J. B., 19 vjeç, ka aksidentuar një këmbësore ende të paidentifikuar rreth 30 vjeçe, e cila ndodhet në spital, nën kujdesin e mjekëve.
Drejtuesi i mjetit po shoqërohet në ambientet e Komisariatit nr.4, për veprime të metejshme hetimore.
Grupi hetimor ndodhen në vendngjarje dhe po punon për sqarimin e rrethanave të ngjarjes.