Franca sulmon pa nderprerje me 12 avione:“Shi” bombash mbi Raka, kryeqendra e ISIS
Franca filloi sulmin. Kryeqyteti i vetëshpallur i ISIS, qyteti i Rakas në Siri, ndodhet nën breshërin e bombave franceze gjatë nates te se dieles. 12 gjuajtës francezë kanë ndërmarrë një sulm masiv kundër objektivave në këtë qytet, që është qendra politike e administrative e ISIS.
Lajmi u dha nga ministria franceze e mbrojtjes. Njoftimet thone se jane hedhur raketa te fuqishme shkaterruese, te cilat bejne pluhur e hi gjithcka rrotull. Avionët goditën një qendër rekrutimi të xhihadistëve, një kamp stërvitjeje dhe depo armësh, të cilat kontrolloheshin nga grupet e ekstremistëve, sipas Ministrisë së Mbrojtjes franceze.
Mikael Soria, këshilltari për median, pranë Ministrisë së Mbrojtjes e përshkroi atë si një “sulm masiv”, më i madhi i organizuar ndonjëherë nga Franca kundër ISIS ne Siri. Të gjitha objektivat u shkatërruan, tha ai.
Avionët bombardues francezë u nisën nga bazat e Emirateve të Bashkuara dhe nga Jordania. 12 avionët që ka Franca në këto baza u përfshinë në bombardime. Ndersa eshte dhene urdher qe gjithe avionet ne bazat e Frances ne zonat e Lindjes se Mesme do te godasin pa nderprerje cdo baze dhe vend qendrim te ISIS.
ISIS e konsideron Rakën (Raqqa) si kryeqytetin e të ashtuquajturit “kalifati islamik”.
Lajmin e sulmit e dhane te paret gazeta New York Times, gazetat e Londres dhe italiane. Mesohet se po pergatitet nje sulm ne shkalle te gjere dhe hakmarres me avione e bombadues nga Britania e Madhe, SHBA, Gjermania dhe Italia. Plani eshte bere per ta zhdukur shtetin islamik
Ndersa ne France te gjitha xhamite qe predikojne dhune do te mbyllen. I ftuar në televizionin “France 2”, ministri i Brendshëm i Francës, Bernard Cazeneuve, ka pohuar se ka filluar nismat për mbylljen e disa xhamive ku persona predikojnë dhe bëjnë thirrje për dhunë.
“Nuk e shikoj gjendjen e jashtëzakonshme vetëm si luftë për të sulmuar predikuesit e urrejtjes, por gjendja e jashtëzakonshme duhet të na lejojë të jemi më të shpejtë”, vuri në dukej ai.
Të paktën 132 persona humbën jetën në sulmet e së premtes mbrëma në kryeqytetin francez, sulme të cilët u morën përsipër nga militantët e Shtetit Islamik.
