Frika nga varianti “Delta”, Brataj: Vaksinat mbrojnë nga çdo variant

Varianti indian i Covid-19 që po përhapet me shpejtësi, po shqetëson Europën. Shqipëria për fat të mirë ende nuk ka identifikuar praninë e këtij virusi, por risku është prezent. Të pavaksinuarit janë grupi më i riskuar për t’u prekur prej këtij mutacioni si dhe për ta shpërndarë atë në popullatë.

Studimet e kryera në vende të ndryshme kanë nxjerrë në pah se të gjitha llojet e vaksinave sigurojnë mbrojtje ndaj të gjitha varianteve të Covid që janë shfaqur deri tani. Kështu e konfirmon edhe kreu i Urgjencës Kombëtare, Skënder Brataj.

Shqipëria po operon me 4 vaksina për imunizimin e popullatës, Pfizer, AstraZeneca, Sputnik dhe Coronavac. Që prej fillimit të procesit të vaksinimit janë injektuar rreth 987 mijë doza vaksine.