Fuga: Akademia e Shkencave kërkon armiqtë e jashtëm dhe të brendshëm

Akademiku Artan Fuga, shkruan përmes një postimi në facebook, se Akademia e Shkencave kërkon armiqtë e jashtëm dhe të brendshëm. Sipas tij, Presidenti i Shqipërisë, Ilir Meta është treguar i butë me kthimin e ligjit. ”E sfidoj përpara një komisioni hetimor parlamentar, ose përpara kontrollit të lartë të shtetit, ose përballë kujtdo tjetër instance ligjore dhe nëse në akademinë e shkencave nuk do të zbulohen gjëra tronditëse, unë largohem menjëherë nga ajo akademi shkencash duke dhënë dorëheqjen”.

Postimi i plotë

Kthimi i ligjit për akademinë e shkencave nga ana e Presidentit të Republikës, Ilir Meta, ka prekur vetëm një pjesë shumë të vogël të infeksionit. Presidenti është treguar shumë i butë madje!

Unë e sfidoj moskryesinë e akademisë së shkencave për:

1. Të bërë Vetting-un e punës shkencore të akademikëve.
2. Për të analizuar rezultatet e punës shkencore dhe botimet e vetë akademisë së shkencave.
3. Për shkeljet ligjore në funksionimin brenda akademisë së shkencave.
4. Për mosrespektimin e Kushtetutës dhe të ligjeve në fuqi në hartimin e ligjit për këtë akademi që Presidenti refuzoi ta firmosi.

E sfidoj përpara një komisioni hetimor parlamentar, ose përpara kontrollit të lartë të shtetit, ose përballë kujtdo tjetër instance ligjore dhe nëse në akademinë e shkencave nuk do të zbulohen gjëra tronditëse, unë largohem menjëherë nga ajo akademi shkencash duke dhënë dorëheqjen