“Fundjavë Ndryshe” siguron kampin e strehimit në Tiranë: Ushqim, ngrohje dhe fjetje
Aktualitet E Shtunë, 30 Nëntor 2019 15:24
Tërmeti i datës 26 nëntor me magnitudë 6.4 shkatërroi qindra ndërtesa duke lënë shumë banorë në qiell të hapur.
Shumë organizata, biznesmenë dhe qytetarë të thjeshtë kanë hapur dyert e shtëpive të tyre për të strehuar të prekurit nga tërmeti.
Së fundi, “Fundjavë Ndryshe” ka hapur një kamp që siguron strehim, ushqim, ngrohje dhe fjetje për personat dhe familjet që nuk kanë ku të kalojnë këto ditë sfiduese.
“Kushdo që ka nevojë për tu strehuar, sigurojmë ushqim, ngrohje, fjetje! Na telefononi në këtë numër +35569 983 3046 Adresa : Rruga e Arbrit, Stacioni Fundit i Tufinës! @fundjavendryshe @ Fundjavë Ndryshe”, thuhet në postim.
