Fundoset automjeti në rezervuarin e Çerkezës. Policia dhe polumbarët e RENEA-s në vendngjarje

Një automjet është konstatuar mëngjesin e sotëm në rezervuarin e Çerkezës. Mësohet se makina është e zhytur tërësisht në ujë në distancën 20 metra nga diga.

Sipas burimeve policore është kërkuar asistenca e ushtrisë për të bërë të mundur nxjerrjen e mjetit nga rezervuari. Nuk dihen ende rrethanat e ngjarjes.

Tiranë/Informacion paraprak

Më datë 17.06.2022, rreth orës 07:20, jemi njoftuar nga roja i sigurisë së rezervuarit në vendin e quajtur “Rezervuari i Çekrezës”, se kishte konstatuar një automjet të fundosur brenda këtij rezervuari.

Me marrjen e njoftimit, shërbimet e Policisë kanë shkuar mënjeherë në vendngjarje së bashku me shërbimet zjarrfikëse.

Njëkohësisht drejt vendngjarjes janë nisur edhe polumbarët e Reneas, për të bërë të mundur nxjerrjen e automjetit nga rezervuari.

Grupi hetimor po punon për zbardhjen e plotë të rrethanave të ngjarjes.