Furgoni me nxënës del nga rruga, 6 të plagosur

Një furgon me 15 nxënës ka dalë nga rruga në fshatin Vërzhezhë në Skrapar. Mësohet se aksidenti ka ndodhur mëngjesin e sotëm dhe raportohet se kanë mbetur të plagosur 6 persona, kryesisht fëmijë.

Një 16-vjeçare po transportohet për në spitalin e Traumës në Tiranë, ndërsa personat e tjerë po transportohen në spitalin e Beratit.

Furgoni ishte shkuar për në Skrapar dhe shkak i aksidentit dyshohet se është bërë rruga e keqe dhe mungesa e infrastrukturës.