Fushat me kanabis, Kruja po zëvendëson Lazaratin

Duket se Lazarati i dikurshëm tashmë është zhvendosur në Krujë, sipas raportit të Prokurorit të Përgjithshëm. Me 79 raste të vepres penale të prodhimit dhe të kultivimit të drogës, qarku Gjirokastër renditet e teta në vend për nga procedimet penale, por jo vetëm kaq.

Nga monitorimi i ajrit i bërë edhe nga partnerët e huaj, rezulton se Gjirokastra nuk konsiderohet një problem për policinë vendase. Ne 2020, rekordin e shënon Kruja, ku jo vetëm u konstatuan hapësira të mëdha të mbjelljes me kanabis, por u regjistruan më shumë se 400 procedime penale.

Nga Lazarati ku nuk regjistrohet asnjë parcelë e mbjellë me kanabis, ashtu edhe siç paraqitet ne raportet e agjencive të huaja, ka një tendence në rritje për të mbjellë në disa nga fshatrat e Tepelenës, të cilat janë poshtë lumit Vjosë, në afërsi të rrethit të Përmetit, si edhe në disa prej fshatrave të këtij rrethi.