Fushata ndërgjegjësuese ”Hapi Udhë Vajzave”/Kushi: Inkurajoj fort çdo grua e vajzë të mbrojë të drejtat e tyre

Në kuadër të Ditës Ndërkombëtare të Grave, Ministrja e Arsimit, Sportit dhe Rinisë, Evis Kushi i është bashkuar një videoje me mesazhe sensibilizuese që ka në fokus promovimin e brezit të ri të vajzave.

Në lidhje me videon e ideuar dhe përgatitur nga aktivistë të të drejtave të njeriut në Shqipëri, Ministrja Kushi shprehet se ”Iu bashkova me shumë kënaqësi videos ndërgjegjësuese në kuadër të fushatës #hapiudhëvajzave”, nëpërmjet së cilës përcjellim mesazhin se çdo grua apo vajzë e suksesshme sot me arritjet e saj mund të mbështesë brezin e ri të vajzave që po rriten”.

Po ashtu, Kushi gjen rastin edhe një inkurajim të fortë për gratë dhe vajzat në kuadër të 8 Marsit. ”Ndërkohë, sot në Ditën Ndërkombëtare të Grave inkurajoj fort çdo grua e vajzë të mbrojë të drejtat e tyre, si dhe të promovojë barazinë gjinore në çdo fushë të shoqërisë”.