Gara për FBI-në shqiptare, 200 kandidatë bëjnë testin logjik: Guximin të luftojë krimin

Në garë për agjentë të FBI-së shqiptare janë 200 kandidatë, të cilët kanë përfunduar testin logjik i cili po zhvillohet në ambientet e Pallatit të Kongreseve. Njëri prej tyre shprehet se ka besim te institucionet e reja të drejtësisë dhe guximin e mjaftueshëm që të luftojë krimin dhe korrupsionin.

Në këtë garë konkurruan 653 kandidatë ndërsa 229 u skualifikuan nga vendimi i parë prej komisionit në përbërjen e tre prokurorëve të SPAK, Vladimir Mara, Dritan Prençi, Enkeleda Millonai. Në përfundim të fazës së dytë kandidatët do t’i nënshtrohen për të vazhduar garën testit fizik, e në fazën e tretë testit me makinën e të vërtetës.

Në finale 60 fituesit do të udhëtojnë drejt Shteteve të Bashkuara të Amerikës për t’u trajnuar nga agjentët e FBI përgjatë një muaji. Agjentët e byrosë kombëtare të hetimit do të jenë në varësin e prokurorëve të SPAK për të hetuar e mbledhur prova për korrupsion, pastrim parash, grupe kriminale dhe terrorizëm.