Gazetarët në protestë, Ben Andoni: Qeveria kërkon pushtetin e katërt

Gazetarët vijojnë protestën para Kuvendit të Shqipërisë, duke deklaruar se paketa ”Antishpifje”, është një ligj dikatorial dhe censurë ndaj fjalës së lirë. Gazetari i njohur Ben Andoni, i pranishëm në protestë, tha se politika shqiptare nuk e do lirinë e medias dhe shtoi se qeveritë me këtë ligj do të kenë në dorë edhe pushtetin e katërt. ”Shteti nuk duhet të vendosë prangat se jam i bindur që nëse kjo qeveri që është si më mendjehapur vepron kështu, mendo ç’do ndodhë me qeveritë e tjera. Politikani shqiptar nuk e do lirinë e medias. Në e kemi në dorë t’i kufizojmë politikanët, dhe ky është faji jonë më i madh, ne nuk i kufizojmë politikanët, ne i japim të gjithë LIVE, ndërkohë që edhe ne mund të jemi një barrierë shumë e fortë për ta. Ne duhet t’i marrim me shumë rezerva politikanët”.