Gazetari maqedonas: Kryeparlamentari ka gisht në vrasjen që u faturohet shqiptarëve
Zoran Bozhinovski, gazetari kontravers maqedonas, në profilin e tij në facebook ka akuzuar kryeparlamentarin Trajko Veljanovski se ka gisht në vrasjen e pesëfishtë në Liqenin e Smilkovës.
Për rastin në fjalë, 5 shqiptarë vuajnë dënimin me burgim të përjetshëm, për të cilët ende gjykatat nuk ka sjellë argumente as përafërsisht bindëse.
Zoran Bozhinovski thotë se ai ka disa argumente të cilat kanë arritur tek ai, porse nuk mund t’i publikojë. Ai ka thënë se mund të parashtroj dy pyetje publike në adresë të Veljanovskit:
1.Veljanovski, çfarë kërkuan djelmoshat në shtëpinë tuaj disa orë para se TË VRITESHIN?
2.A jeni të gatshëm ztr.Veljanovski të dëshmoni për këtë rast; JU, bashkëshortja juaj, djali dhe vajza juaj dhe pjestarët e sigurimit tuaj?
Bozhinovski u ka bërë thirrje të gjithëve që ta shpërndajnë postimin e tij, duke thënë se vërteta duhet të dalë në shesh.
