Gënjenin klientët duke u thënë se shisnin makina luksoze, prangosen babë e bir

Autoritet braziliane kanë arrestuar babë e bir, pasi mbi ta rëndon akuza e falsifikimit të makinave luksoze.

Mësohet se janë sekuestruar edhe 8 makina të falsifikuara.

‘’CNN’’ shkruan se të dy babë e bir menaxhonin një fabrikë të rreme të makinave luksoze.

Ata dy pritet të përballen me akuza të forta, pasi kanë vjedhur imazhin e dy prej kompanive më të njohura në botë.

Babë e bir kanë përdorur emrat e markave të njohura si Ferrari dhe Lamborgini.

Fotot e këtyre makinave të falsifikuara publikoheshin në rrjetet sociale dhe vlera me të cilën do të shiteshin varionte nga 180.000, 48.000 dhe 250,000 real braziliane.

Fabrika e makinave ishte në pronësi të babait dhe djalit të tij, të cilët priten të marrin një dënim goxha të gjatë.