Gjallë apo i vrarë? Gjykata e Lartë merr vendimin për Ervis Martinajn

Edhe pse në kërkim dhe që prej vitit të shkuar nuk ka informacione nëse është gjallë, apo e kanë vrarë, Gjykata e Lartë ka rrëzuar rekursin e bërë nga Ervis Martinaj në lidhje me ngjarjen e ish-“Bllokut”, ku mbeti i vrarë miku i tij Fabiol Gaxha dhe u plagos Eljon Hato e vetë Martinaj.

Martinaj kundërshtonte vendimin e Gjykatës së Apelit të vitit 2018 që e la atë në burg për ngjarjen në zonën e ish-Bllokut, por që më u lirua nga Gjykata e Tiranës me garanci pasurore.

Në përfundim të procesit në Apel akuza ndaj Martinaj për vrasje të mbetur në tentativë ra, megjithatë ai u dënua 3 vite e 8 muaj burg me gjykim të shkurtuar për “Sigurimi i kushteve dhe mjeteve për vrasje”, “Fshehje të të ardhurave”, “Falsifikim i pasaportave, kartave të indentitetit, vizave”, si edhe “Organizim ose ushtrim i veprimtarisë së lojërave të fatit në kundërshtim me ligjin”.