Gjashtë motrat jetime, Rama: Tragjedi me përmasa të jashtëzakonshme

Mbrëmjen e sotme në një emision special “Opinion” po trajtohet rasti i 6 vajzave jetime nga Kukësi, të cilat jetojnë në kushte të vështira ekonomike.

I ftuar në këtë emision, kryeministri Edi Rama po përballet me një sërë pyetjesh për të gjitha familjet e varfra.

Kryeministri Edi Rama e ka quajtur një tragjedi me proporcione të jashtëzakonshme rastin e prezantuar për gjashtë motrat e mbetura jetime pas vdekjes së prindërve në Kukës.

Rama: Rastin që jemi mbledhur këtu bëhet fjalë për një tragjedi në proporcione të jashtëzakonshme dhe janë për t’u falëndëruar të gjithë ata njerëz që merren me zbulimin dhe evidentimin e këtyre rasteve, por edhe spontaniteti i shumë njerëzve. Ky është një problem që shoqëria jonë fatkeqësisht e ka. Shoqëria jonë e ka një reagim të menjëhershëm kur një rast i ngjashëm shfaqet, ka një reagim spontan, por kur vjen puna tek ai spontaniteti i strukturuar dhe sistematik që është karakteristikë e atyre vendeve që kanë një shtet solid, këtu kemi edhe mangësitë tona. Kur vjen puna tek solidariteti i strukturuar ne kemi shumë boshlliqe.