Gjekmarkaj largohet nga Komisioni i Edukimit: Erdha për respekt, nuk rri dot për arsye shëndetësore

Kryetari i Komisionit për Edukimin dhe Mjetet e Informimit Publik, Agron Gjekmarkaj është larguar nga seanca.

Gjekmarkaj, i cili dukej se ishte skuqur në fytyrë, tha se erdhi në komision vetëm për respekt por i duhej të largohej pasi nuk qëndronte dot më shumë për arsye shëndetësore.

“Para se t’ja kaloj fjalën zonjës ministre, për arsye shëndetësore nuk rri dot, erdha për respekt. Kam nderin t’ia kaloj drejtimin e seancës Petro Koçit. Ju kërkoj ndjesë për mungesën time. Faleminderit“, tha Gjekmarkaj.