Gjendet e vdekur një grua brenda dhomës së hotelit në Sarandë

Një grua e moshuar është gjetur e vdekur në një hotel në Sarandë. Sipas policisë, gruaja rreth 69 vjeçe, me inicialet L.P është gjetur pa shenja jete mëngjesin e sotëm.

Bëhet fjalë për një turiste, e cila është gjetur e vdekur brenda dhomës së një resorti turistik në aksin Turizëm-Kanali i Cukës në Sarandë. Viktima është gjetur nga vajza e saj.

Blutë e Sarandës dhe ambulanca ndodhen në vendin e ngjarjes, ndërsa po hetohet për shkaqet që mund t’i kenë marrë jetën.