Gjendet trupi i pajetë i turistit çek, që u mbyt në Kir

Një turist çek është mbytur sot në lumin Kir në Prekal të komunës Postribe. Sipas policisë shtetasi i huaj i pa identifikuar ende ishte për rafting  dhe i është përmbysur varka. Në varkë me të ka qenë edhe një shtetase çeke, e cila ka shpëtuar pa pësuar dëmtime për shëndetin. Në vendngjarje mbërritën shërbimet e policisë dhe polumbarë të RENEA-s, që mundën të gjenin trupin e pajetë të turistit çek. Nuk është hera e parë që ndodh me turistë çekë, të cilët vizitojnë vendin tonë, të përfshihen në tragjedi të këtij lloji