Gjendja e akseve rrugore në vend/ ARRSH: Kujdes lagështirën në rrugë dhe respektoni sinjalistikën

Sipas Autoritetit Rrugor Shqiptar në Rajonin Verior ka pasur reshje dëbore dhe është punuar në akset: Kuben Vasije, Qafë Bualli-Krastë, Qafe Mali-Fierzë, Koplik-Bogë-Dedaj-Razëm, Qafë Çelë-Pukë, Qafë Dush-Peshkopi, në akset e Tropojës, në akset e Kukësit.

“Në të gjitha këto segmente qarkullimi kryhet pa problem, në fushë Bulqizë bora është shoqëruar dhe me erë të fortë. Lëvizet me zinxhirë në Ura e Cerenecit-Stebleve dhe Trebisht –Doganë, ku trashësia e borës ka arritur në 20 cm,” njofton ARRSH.

Sipas njoftimit ne Rajonin Jugor, vetëm në Qarkun e Korçës ka pasur reshje bore ku është punuar për pastrimin dhe shpërndarjen e kripës qarkullimi kryhet pa problem.

Gjithashtu sipas ARRSH mjetet edhe punëtorët e mirëmbajtjes janë në gatishmëri dhe kanë marrë masat e duhura edhe për ditët në vijim në rast përkeqësimi të motit.

ARRSH u bën thirrje drejtuesive të mjeteve të tregohen të kujdesshëm për shkak të lagështisë në rrugë, të reduktojnë shpejtësinë dhe të respektojnë sinjalistikën rrugore.