Gjiknuri: Me rëndësi që opozita erdhi në Këshill, listat mund të hapen 100%

Përfaqësuesi i PS-së në Këshillin Politik, Damian Gjiknuri, në një deklaratë për mediat në përfundim të mbledhjes së Këshillit Politik, tha se është një gjë e mirë që opozita u rikthye në tryezë dhe është dakord për hapjen e listave.

”Një gjë është për tu përshëndetur, risitë kushtetuese janë gjetur dhe nga opozita jashtëparlamentare. Ata mbështesin hapjen e listave të kandidatëve. Amendimet kushtetuese nuk pengojnë kërkesën e opozitën. Ka rëndësi se opozita u kthye në negocitata dhe kanë humbur kohë. Koha nuk ndalon kur ata janë kundër, por e rëndësishme është që amendimet u përgjigjen dhe shqetësimeve të opozitës. Ne u thamë që të zgjedhin modelet evropiane, të hapin listat dhe të zgjedhin aleancën në një model të caktuar”.