Gjokutaj flet pas shtyrjes së vendimit për Berishën: Prokurorët vijnë në gjyq si në bar kafe

Avokati Genc Gjokutaj ka folur për gazetarët pas shtyrjes se vendimit për ish-kryeministrin Sali Berisha, i cili kërkon shuarjen e masës së “arrestit në shtëpi”.

Gjokutaj tha se në gjykimin ndaj Berishës nuk ka barazi, ndërsa hodhi akuza ndaj prokurorëve ku tha se vijnë në gjykatë si në bar kafe sepse mungojnë gjyqtarët.

“Prokurorët sot mbajtën një qëndrim, i qëndruan kërkesës së tyre variabël. Presim vendimin. Vendimi për të mos administruar përjashtimin e gjyqtares, është një shkelje e madhe.

Do presim nesër në 9 të shpallet vendimi.

Mungesa e gjyqtarëve i bën prokurorët të vijnë në gjyq si në bar kafe, nuk i kanë problem argumentet që bëjnë. Nuk ka barazi palësh në këtë gjykim. Presim ditën e nesërme, nuk mund të hipotezoj sot për vendimin e nesërm.

Rrëzohet përfundimisht alibia e SPAK që Berisha i shmanget SPAK dhe u vërtetua se procesi po ecën normalisht dhe nuk e kuptoj çfarë sensi ka masa kur jemi në një realitet të ri”, tha avokati i Berishës.

Vendimi për Sali Berishën do të shpallet të enjten, 25 janar, ora 09:00.