Gjonaj flet për rritje rrogash, Fino: Ka prokurorë që marrin pagë më shumë se Presidenti

Në Komisionin e Ligjeve është disktutuar buxheti 2020 për financimet në institucionet e drejtësisë. Ministrja e Drejtësisë, Etilda Gjonaj u shpreh se po shikohet mundësia për të rritur pagat e policisë së burgjeve dhe stafit mjekësor.

Pas fjalës së saj, foli deputeti i PS-së, Bashkim Fino, i cili tha se sistemit të drejtësisë i janë dhënë fonde të jashtëzakonshme dhe sipas tij ka edhe prokurorë që marrin pagë më shumë se Presidenti i vendit.

”Keni bërë skandal nga fondi i pagave nuk mund të japësh shërblim, prandaj nuk jepni pagat për dy vitet e fundit. Ju kemi dhënë fonde të jashtëzakonshme,pra që i kemi dhënë në sistemin e drejtësisë. Ka prokurorë që marrin dy herë më shumë se ajo e presidentit, pra mbi 700 veta, Këtë e kemi bërë koshiencë. Mbase shumë nga institucionet kanë përfitur por e kemi bërë me koshiencë. Ju duhet të keni një strukturë për të monitoruar këtë gjë, për ecurinë e ngritjes së këtyre institucioneve që të vijnë këtu edhe të na ankohen nga ana financiare”.