Gjoni: 9 kushtet e Bundestagut janë totalisht të pahapura

Analistja, Edlira Gjoni e ftuar në emisionin “Arena” në RTV Ora tha  se 9 kushtet e Bundestagut jo vetëm që nuk janë plotësuar, sikurse janë  trumbetuar, por janë totalisht të pahapura.

“Nuk  mendoj që kushtet që me patos socialistët thonë që janë plotësuar. Ne  nuk jemi budallenj. Gjykatat nuk funksionojnë, as Kushtetuesja dhe as e  larta. Reforma zgjedhore nuk ka filluar. 9 kushtet e Bundestagut jo  vetëm që nuk janë plotësuar, por janë totalisht të pahapura. Vendimi  Francës më ka shokuar. Gjuha që ka përdorur Macron, qoftë edhe ndihmëset  e tij një ditë përpara se të bënte deklaratën për shtyp me Merkel, por  edhe gjatë ditës kur u mor vendimi ka qenë aq fyese për mua. U bëra e  varur nga lajmet në ato 48 orë. Kishin një lloj përçmimi që nuk u kursye  ndaj shqiptarëve”, tha Gjoni.