Gjykata e Lartë cakton datën e seancës për ish-ministrin, Saimir Tahiri
Aktualitet Kryesore E Enjte, 5 Gusht 2021 11:11
Gjykata e Lartë ka caktuar datën e seancës për ish-ministrin e Brendshëm, Saimir Tahiri dhe ish-drejtorin e policisë së Vlorës, Jaeld Çelën.
Seanca gjyqësore do të mbahet më 28.09.2021, ora 10:00 në Gjykatën e Lartë.
Ish drejtori i policisë së Vlorës, Jaeld Çela u vetëdorëzua vitin e kaluar. Ish zyrtari i lartë u dënua me 3.4 vite burg për shpërdorim detyre.
Kujtojmë se Jaeld Çela, ish ministri i Brendshëm Saimir Tahiri dhe dy ish zyrtarët Sokol Bode dhe Gjergj Kohila akuzohen se ishin edhe pjesë e grupit të Habilajt që që mbillte drogë në Shqipëri dhe e transportonte me skafe në Itali.
