Gjykata jep masën për truprojën e ekstraduar të Saimir Tahirit

Këtë të dielë, Gjykata e Posaçme la të pandryshuar masën e sigurisë “arrest në burg” për Hekuran Markun, ish bodigardin e Tahirit.

Truproja i ish-ministrit Tahiri, u ekstradua një ditë më parë nga Gjermania. Ai akuzohet për trafik droge dhe grup të strukturuar kriminal.

Emri i tij doli në operacionin ndërkombëtar të koduar “Shpirti”. Si pasojë e këtij operacioni janë vendosur në pranga biznesmenë, prokurorë dhe zyrtarë të lartë të Policisë, kjo të akuzuar si pjesëmarrës në veprimtaritë kriminale të drogës.