Gjyqtarja Shehu kalon testin e Vetting-ut, ja kush e uron (FOTO)

Në sitën e Vetting-ut kaloi me sukses, gjyqtarja Marçela Shehu. Komisioni i Pavarur i Kualifikimit, ka rikonfirmuar në detyrë gjyqtaren e Kurbinit. ”Konfirmim në detyrë të subjektit të rivlerësimit, znj, Shehu me funksion Gjyqtare pranë Gjykatës së Rrethi Gjyqësor Kurbin”, tha kryesuesja e trupës gjykuese Brunilda Bekteshi.

Në seancën dëgjimore të 1 qershorit KPK konstatoi se subjekti ka qenë bashkëpunues, teksa relatori Komici tha se bazuar në deklarimet e ILKPI gjyqtarja justifikon pasurinë, nuk ka bërë fshehje të pasurisë dhe as deklarim të rremë.

Sa i takon vlerësimit të figurës, Komici tha se DSIK ka kryer vlerësimin dhe ka derguar nje raport ku konstaton përshtatshmërinë e Marçela Shehut. Vetë gjyqtarja tha se është njohur me hetimin dhe verifikimet e KPK-së ndaj saj, dhe është dakord me punën e kryer prej Komisionit, duke kërkuar konfirmimin në detyrë.

Menjëherë pas vendimit, gjyqtarja është pritur nga djali dhe në duar mban një buqetë me lule.

Shehu është kandidate për në Këshillin e Lartë Gjyqësor. Ajo ka mbaruar Shkollën e Magjistraturës dhe pasi punoi për pak muaj në Gjykatën e Tiranës, por u emërua gjyqtare e Gjykatës së Kurbinit-pozicion të cilin e mban edhe sot.