Gjyshja rekordmene, hidhet me parashutë për të festuar 104-vjetorin

Kurajoja e një gruaje 104-vjeçare është përhapur me shpejtësi dhe ka bërë xhiron e rrjetit.

Dorothy Hoffner ka habitur të gjithë adhuruesit e sporteve ekstreme, por jo vetëm duke shënuar ditëlindjen e saj të 104-të me një hedhje me parashutë.

Kjo gjyshe e kishte provuar këtë sport 4 vite më parë dhe tani synon të thyejë rekordin si gruaja më e moshuar që hidhet me parashutë nga një lartësi 4000 metra.

E kështu, të dielën e kaluar, ajo e kreu sfidën përpara një turme që e priste e entuziazmuar në Otava, në një hedhje që zgjati plot 7 minuta.