Gonxhja: Asfaltohet rruga në lagjen ”Miravec”, i shërben 96 familjeve në bashkinë e Peshkopisë

Mbi 680 banorë përfitojnë nga asfaltimi i rrugës në lagjen Miravec në bashkinë e Peshkopisë. Ministri i Ekonomisë, Kulturës dhe Inovacionit, Blendi Gonxhja ishte në fshatin Sohodoll, ku pa nga afër punimet e kryera në rrugën që do t’i shërbejë 96 familjeve.

”Ka qenë një kërkesë e domosdoshme, ka edhe problem të tjera. Në periudhat në vazhdim do të vazhdojmë edhe kanalizimet. Fakti që ka këtë ndjeshmëri fshati, zona, tregon se kjo është një gjë e rëndësishme për ta, që u ka munguar dhe një gjë që ka munguar në zonat rurale”,-u shpreh ministri Gonxhja.

Ministri tha se do të bëhet kujdes edhe për ndriçimin në mënyrë që të ketë rritje të vlerës në këto zona. Gonxhja po ashtu u bëri thirrje përfaqësuesve të komunitetit që të listojnë banesat e njerëzve në nevojë dhe me të ardhura të ulëta, në mënyrë që të përfitojnë sipas ligjit “Për strehimin social” (i ndryshuar).