I moshuari u gjet i vdekur në banesë, policia del me njoftim zyrtar

Policia e Vlorës ka dhënë detaje mbi ngjarjen e ndodhur në lagjen “10 Korriku” të këtij qyteti, duke theksuar se i moshuari dyshohet se ka ndërruar jetë si pasojë e arrestit kardiak.

Gjithashtu, shton se “trupi i 68-vjeçarit do të transportohet në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes”.

Vlorë/Informacion paraprak

Sot, rreth orës 19:02, në lagjen “10 Korriku”, Vlorë, është gjetur pa shenja jete në banesën e tij shtetasi B.D., 68 vjeç.

Paraprakisht, dyshohet se 68-vjeçari ka pësuar arrest kardiak.

Trupi i 68-vjeçarit do të transportohet në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes.

Grupi hetimor, nën drejtimin e Prokurorisë, po punon për sqarimin e plotë të rrethanave të kësaj ngjarjeje.