Grabitet me armë pika e postës, në Elbasan

Një arkë që shpërndante pensionet, filial i Postës Shqiptare në Elbasan, ra pre e grabitjes.

Ngjarja ka ndodhur paraditen e sotme kur dy persona të armatosur kanë hyrë në pikën ku shpërndahen pensionet, pranë stadiumit “Elbasan Arena” dhe kanë marrë një shumë të konsiderueshme parash.

 Nuk dihet edhe shuma e parave që është marrë, ndërsa uniformat blu kanë nisur hetimet dhe po marrin në pyetje punonjësit e pikës së grabitur.

Aktualisht vijojnë hetimet me synim identifikimin dhe kapjen e autorëve.