Grabitja e dy grave, dëshmia: Me armë, kërkonin “leftatë”

Persona të maskuar hyjnë në shtëpitë e dy të moshuarave në fshatin Terihat të Dropullit duke marrë një sasi parash nën kërcënimin e armës. Të moshuarat u mbyllën në një dhomë teksa grabitësit kërkonin nëpër shtëpi për para duke i thënë ”na jepni leftat”. ”I mbyllën gojën, i vunë pistoletën në kokë dhe i hodhën në krevat. Pastaj mbyllën dritaren dhe dhomën duke i lënë brenda. Grabitësit flisnin shqip dhe greqisht. Leftatë, ku i ke leftatë, i thonin nënës”, shprehet vajza e njërës prej të moshuarave. ”Na mori komshija që ishte mbyllur brenda në telefon dhe ne njoftuam të afërmit këtu”, rrëfen ajo. Policia bën me dije se ngjarja ka ndodhur rreth orës 03:30 të mëngjesit dhe se është duke kërkuar për autorët.