Grabitja në Rinas, për 8 të arrestuarit konfirmohet dënimi me 155 vite burg

Gjykata e Posaçme e Apelit për grabitjen e autoblindave të bankave në rrugën e Rinasit, ka lënë në fuqi dënimin për 8 të arrestuarit.

Sipas vendimit të Apelit, janë lënë në fuqi dënimet: Dash Kupa, 27 vite burg, Ernest Kupa dhe Neim Avdylaj, 26 vjet burg, Fatjon Xhyliu me 21 vite burg, Dritan Sinani me 20 vite burg dhe Aleksandër Murataj, 19 vjet burg. Ndërsa Ditjon Memlika dhe Admir Cerpja bashkëpunëtorë të drejtësisë u dënuam me 8 vjet e gjashtë muaj heqje lirie.

Të gjithë të akuzuarit kanë përftuar ulje me 1/3 e dënimit në aplikim të gjykimit të shkurtuar.