Gramsh, emigranti u vra se rrahu bashkëfshatarin

Të arrestuarit janë Selman Hoxha, 63 vjeç, Fiqiri Hoxha, 43 vjeç dhe Edmond Hoxha, 29 vjeç.

Sipas policisë, tre të arrestuarit dyshohen se kanë kryer krimin e rëndë, ndërkohë që atyre u janë sekuestruar edhe tre automatikë “Kallashnikovë”, të cilët mendohet se janë përdorur për vrasjen.

Burime pranë policisë thonë se të dyshuarit janë zënë me viktimën në një lokal në fshat.

Viktima i ka rrahur ata dhe për këtë arsye, të dyshuarit kanë shkuar në shtëpi për të marrë armët dhe e kanë vrarë atë në obirrin e banesës.

Policia thotë se është duke vijuar hetimet për këtë rast.