Greku mbush bagazhin e makinës me “bimë jeshile”, kapet në kufi

Një sasi e konsiderueshme lëndësh psikoaktive janë sekuestruar në kufirin greko-shqiptar.

Policia greke njofton se janë kapur 73 kg “bimë jeshile”, në një mjet që vite nga kufiri i gjelbër, ndërsa në pranga ka rënë 43-vjeçari grek, emri i të cilit nuk është bërë i ditur.

Brenda në bagazhin e mjetit u gjetën dhe sekuestruan 47 pako me 73 kg 800 gram “bimë jeshile”.

Gjithashtu janë sekuestruar 2 celularë dhe 150 euro.