Greva e urisë në Poçem, një nga grevistët shfaq probleme shëndetësore

Vazhdon greva e urisë në Poçem të Fieri. Punonjësit e nënstacionit të Poçemit  kanë hyrë në ditën e katër të grevës së tyre.

Ndërkohë, një nga grevistët ka pasur probleme me shëndetin. Pas komplikacioneve rreth orës 03:00 të mëngjesit, atij i është dhëna ndihmë mjekësore.

Grevistët janë shprehur se nuk dot tërhiqen deri sa të marrin pagat e prapambetura.

Thonë se disave u kanë ofruar vende pune, por që i kanë refuzuar.

Punonjësit e nënstacionit elektrik dhe atij të pompimit në Poçem, kanë qenë nën varësi të uzinës së naftës në Ballsh, por nuk janë paguar prej gati 2 vitesh.

Në total janë rreth 850 punonjës të uzinës që janë në protesta për pagat e prapambetura dhe rinisjen e punës në rafineri.