Grindet me një djalë, vajza u vë flakën 4 makinave të babait të tij

Aktualitet E Martë, 20 Prill 2021 16:27

Pas grindjes me një djalë, një 23-vjeçare nuk ka ngurruar të hakmerret duke i djegur makinat në pronësi të të atit të tij.

Ngjarja ka ndodhur rreth një orë pas mesnatës në rrugën “Kokonozi”, në Tiranë, ku nga zjarri janë djegur plotësisht një mjet Audi dhe mjeti rulotë, si dhe pjesërisht një Volkswagen dhe një kamionçinë.

Mjetet kanë qenë në pronësi të V. P, 56 vjeç, babait të djalit.

Policia ka identifikuar vajzën, Desara Mançellari, 23 vjeç, nëpërmejt pamjeve filmike, ku vajza duket se ka spërkatur me benzinë fillimisht njërin nga mjetet, e më pas u ka vënë flakën.

Policia ka sekuestruar si provë edhe veshjet e saj në momentin që ka kryer veprimin.

“Dyshohet se motiv i zjarrvënies ka rezultuar një konflikt për motive të dobëta, midis shtetases Desara Mançellari me djalin e shtetasit V. P”, thotë policia. Mbi vajzën rëndon akuza e shkatërrimit të pronës me zjarr.

NJOFTIMI I PLOTE I POLICISE SE TIRANES

Në Tiranë, më datë 01.04.2016, në orët e para të mëngjesit, rreth një orë pas mesnatës, në rrugën “Kokonozi”, ka rënë zjarr ku janë përfshirë katër mjete. Automjetet tip “Audi”, “Volkswagen”, “Rulotë” dhe një kamioncinë, automjete në pronësi të shtetasit V. P., 56 vjeç, banues në Tiranë.

Si pasojë e zjarrit automjeti tip “Audi” dhe mjeti “Rulotë”, janë shkatërruar plotësisht. Menjëherë në vendin e ngjarjes ka shkuar grupi hetimor në bashkëpunim me ekspertët e MZSH-së. Nga veprimet e para proçeduriale, ka rezultuar se shkaku i rënies së zjarrit ka qënë i qëllimshëm dhe ka rezultuar se është spërkatur me benzinë fillimisht njëri nga mjetet.

Nga kqyrja e vendit të ngjarjes janë fiksuar pamjet filmike të momentit kur është vënë zjarri duke arritur të mundësohet identifikimi i autores së dyshuar.

Pas identifikimit është bërë ndalimi i shtetases, Desara Mancellari, 23 vjeç, banuese në Tiranë. Në cilësinë e provës materiale janë sekuestruar veshjet e saj në momentin që ka kryer këtë veprim të kundraligjshëm. Dyshohet se motiv i zjarrvënies ka rezultuar një konflikt për motive të dobëta, midis shtetases Desara Mancellari me djalin e shtetasit V. P.

Materialet proçeduriale i kaluan Prokurorisë pranë Gjykatës Shkallës parë Tiranë për veprën penale: “Shkaterrim pronës me zjarr”, parashikuar nga Neni 151 i Kodit Penal.

SHKARKO APP

iPhone

Android

Më shumë lajme të fundit