Grumbullimi në Kavajë, policia nis procedimin për 24 persona

Policia procedon 24 persona, një ditë pas vizitës të kryetarit të opozitës Lulzim Basha në Kavajë. Procedimi ka nisur për organizim të tubimit të paligjshëm dhe bllokim të lëvizjes së mjeteve.

Më herët në reagimin e saj policia nuk e përmendi Partinë Demokratike dhe kryetarin Lulzim Basha, por kujtoi se deri kur rregullat në fuqi do ta ndalojnë grumbullimin e mbi 10 personave, dhe se eshte e detyruar të penalizojë shkelësit.

Kreu i PD Lulzim Basha, u prit dje në Kavajë nga qindra persona dhe nuk mungoi habia e tij për praninë e tyre. Madje kreu i PD iu bëri thirrje disa herë për respektimin e distancës dhe vendosjen e maskave.